Wadhamini wavipa ahueni vilabu

Kutokana na ukata unaovikabili vilabu vingi wakati huu wa janga la corona, wadhamini wa ligi kampuni ya Vodacom wamevipa ahueni vilabu baada ya kutoa gawio la fedha kwa kila timu Tsh Milioni 23

Mwenyekiti wa Bodi ya Ligi Steven Mguto amesema timu zote zimekabidhiwa kiasi cha fedha ambazo ni sehemu ya mkataba walioingia na kampuni hiyo

Timu zimekuwa zikilalamika kuwa na hali ngumu ya kiuchumi iliyosababishwa na kusimama kwa ligi kwa karibu miezi miwili sasa kutokana na janga la corona

Bado kuna hofu ligi itakaporejea vilabu vitamudu vipi gharama kwani mechi zote zitachezwa bila ya mashabiki

Wadau wameishauri TFF na Bodi ya Ligi kuandaa utaratibu ambao utavipunguzia vilabu gharama pale ligi itakaporejea