Pamoja na kuwa siku za karibuni amekuwa akitajwatajwa sana na huko Msimbazi, kiungo fundi Feisal Salum 'Fei Toto' sio miongoni mwa wachezaji ambao mikataba yao inamalizika mwishoni mwa msimu, imefahamika
Uongozi wa Yanga kupitia kwa Afisa Mhamasihaji Antonio Nugaz, amethibitisha kuwa mwamba huyo kutoka visiwani Zanzibar bado ana mkataba wa mwaka mmoja kuendelea kuwatumikia mabingwa hao wa kihistoria
Hata hivyo kutokana na ubora ambao Fei Toto alionyesha kwenye mechi za mwisho kabla ya ligi kusimama kutokana na janga la corona, amewashawishi mabosi wake Yanga kumpa mkataba mnono zaidi
Kampuni ya GSM, wadhamini/wahisani wa Yanga, wameweka mkakati wa kusuka kikosi imara ambacho kitatwaa ubingwa wa ligi kuu msimu ujao
Kabla ya dirisha la usajili kufunguliwa, GSM wanaanza kuboresha maslahi ya wachezaji wote ambao Eymael amependekeza waendelee kubaki Jangwani
