Baada ya usajili wa Bernard Morrison aliyetokea DC Motema Pembe 'kubamba', inaelezwa Yanga inamnyemelea mchezaji kutoka klabu ya AS Vita ya huko DR Congo
Winga Tuisila Kisinda ndiye anayetajwa kutakiwa na mabingwa hao wa kihistoria ukiwa ni mkakati wa kuisuka upya Yanga ya mataji
Nyota huyo ni miongoni mwa waliopendekezwa na kocha Luc Eymaael katika kuimarisha safu yake ya ushambuliaji
Kisinda ni mmoja wa wachezaji mahiri wa klabu ya AS Vita. Nyota huyo pia anamudu kucheza nafasi ya mshambuliaji wa kati
GSM ndio inayoipa jeuri Yanga wakati huu, inaelezwa wametenga kitita cha Tsh Bilioni 1.5 kwa ajili ya usajili
Nyota wanne wa kigeni watasajiliwa ambapo Eymael tayari amewasilisha mapendekezo yake
Afisa Mhamasishaji wa Yanga Antonio Nugaz amesema katika usajili ujao wako tayari kutumia hata dola laki tano kumnasa mchezaji yeyote aliyependekezwa na Eymael
