Kikosi cha Yanga leo kinatarajiwa kuwasili mkoani Lindi leo tayari kwa mchezo wa ligi kuu dhidi ya Namungo Fc ambao utapigwa uwanja wa Majaliwa, wilaya ya Ruangwa siku ya Jumapili March 15
Mchezo huo unaosubiriwa kwa hamu na wakazi wa mikoa ya Lindi na Mtwara, unatarajiwa kuwa na upinzani mkali kutokana na ubora wa timu zote
Namungo Fc inashika nafasi ya nne kwenye msimamo wa ligi kuu ikiwa na alama 49, alama moja pungufu ya Yanga yenye alama 50 ikiwa nafasi ya tatu
Hata hivyo Namungo imecheza mchezo mmoja zaidi ya Yanga
Timu hiyo bado haijapoteza mchezo kwenye uwanja wake wa nyumbani msimu huu na watakutana Yanga ambayo imetoka kupoteza mchezo dhidi ya KMC jana
Hii itakuwa mara ya tatu kwa Yanga kucheza kwenye uwanja wa Majaliwa tangu uwanja huo uzinduliwe mwaka jana
Mchezo wa kwanza ulikuwa kwenye hafla ya uzinduzi ambao ulimalizika kwa sare ya bao 1-1
Kisha Yanga ikarejea dimbani hapo kwenye mchezo wa kombe la FA na kufanikiwa kuondoka na ushindi wa bao 1-0
Msimu huu huo ni mchezo wa kwanza kuzikutanisha timu hizo
