Kikosi cha Yanga kesho Alhamisi kitashuka kwenye uwanja wa Taifa kumenyana na KMC katika mchezo wa ligi kuu ya Vodacom
Baada ya ushindi dhidi ya Simba, vijana hawakulaza damu, waliendelea na mazoezi kuelekea mchezo huo dhidi ya watoto wa Kinondoni
Matokeo ya mchezo wa duru ya kwanza, timu hizo zilitoka sare ya bao 1-1, KMC wakisawazisha kwenye dakika za majeruhi kupitia mkwaju wa penati
Kocha Mkuu wa Yanga Luc Eymael amesema amewaandaa vijana wake kikamilifu ili kuhakikisha wanaendeleza wimbi la ushindi kwenye michezo yote iliyobaki
Baada ya mchezo huo, Yanga itaelekea mkoani LIndi kuikabili Namungo Fc ukiwa ni mchezo wa kiporo wa duru ya kwanza
Mchezo huo utapigwa March 15
Habari njema ni kuwa Yanga itashiriki michezo yote ikiwa na nyota wake saba walioitwa timu ya Taifa
Pamoja na Stars kuingia kambini kesho, wachezaji wa Yanga wataingia kambini baada ya mchezo dhidi ya Namungo
