Jana mshambuliaji Benard Morrison alicheza kwa dakika takribani 56 tu katika mchezo dhidi ya Simba ambao aliifungia Yanga bao muhimu lililowafanya watoke kifua mbele kwa ushindi wa bao 1-0
Kocha Mkuu wa Yanga Luc Eymael jana baada ya mchezo alibainisha kuwa Morrison aliumia mazoezini siku mbili kabla ya mchezo na ndio maana alimtoa mapema tu kwenye kipindi cha pili kwani hakuwa fiti
Lakini siri moja kubwa ni kuwa mapema wiki iliyopita Morrison alitembelewa nchini na mkewe akiwa pamoja na mtoto wake
Walimletea zawadi ya viatu ambavyo alivitumia kwenye mchezo wa jana
Bao lake alilofunga kwenye mchezo huo tena akiwa na viatu hivyo alivyozawadiwa na 'wife', lilipeleka furaha sio tu kwa Wanayanga bali hata kwa familia yake
Morrison amebainisha kuwa viatu hivyo atavitumia katika mechi maalum tu
"Vilikuwa viatu Maalum kwa kazi maalum Namshukuru Mungu nimeimaliza kazi salama"
