Ally Mayay nyota wa zamani wa Yanga ambaye kwa sasa ni mchambuzi wa soka, amesema Gwambina Fc walikuwa bora kwenye mchezo dhidi ya Yanga lakini waliangushwa na kukosa uzoefu
Katika mchezo huo ambao Yanga waliibuka na ushindi wa bao 1-0, Mayay ambaye ni Mjumbe wa kamati ya Ufundi, amesema tofauti ya uwezo wa mchezaji mmoja mmoja kati ya timu hizo ndio ulioipa Yanga ushindi na sio mbinu za kiufundi
"Mechi nyingi kama hizi kati ya timu yenye uzoefu na isiyo na uzoefu, mara nyingi zinaamuliwa na uwezo wa mchezaji mmoja mmoja"
"Mechi imeamuliwa na uthubutu wa Niyonzima na sio mbinu za kifundi," amesema Mayay
"Gwambina walicheza na kumiliki mpira kwa kiwango kikubwa ndio maana Yanga waliongoza kwa kufanya faulo nyingi lakini uthubutu wa kujaribu kufunga kwa upande wa Gwambina ulikuwa mdogo ukilinganisha na Yanga. Na hiyo ndio tofauti kubwa kwani kiufundi hakukuwa na tofauti yoyote kiuchezaji," alisema Mayay
Kocha Mkuu wa Yanga LUc Eymael pia aliwasifu vijana hao wanaoshiriki ligi daraja la kwanza kuwa waliwapa wakati mgumu
Gwambina inaongoza kundi B kwenye msimamo wa ligi daraja la kwanza wakiwa wamejikusanyia alama 31 baada ya kushuka dimbani mara 15
Wana nafasi kubwa ya kupanda ligi kuu
Timu hiyo imesheheni wachezaji ambao wana uzoefu wa ligi kuu
