Kocha Mkuu wa Yanga Luc Eymael amesema wanatambua mchezo wa ligi kuu dhidi ya Coastal Union ambao utapigwa kesho Jumapili kwenye uwanja wa Mkwakwani, hautakuwa mwepesi
Coastal Union imekuwa na msimu mzuri lakini mchezo uliopita walifungwa mabao 2-1 na Ruvu Shooting
"Tunakwenda kucheza na moja ya timu bora kwenye ligi msimu huu. Wamefungwa mchezo uliopita, nafikiri watatupa upinzani," amesema
"Lakini nasi tumekosa ushindi kwenye michezo mitatu iliyopita hivyo tunahitaji sana kushinda. Nafahamu mashabiki wana shauku ya alama tatu. Tuko vizuri, tumesahihisha baadhi ya makosa yaliyojitokeza kwenye mechi zilizopita nadhani tutafanya vizuri"
Yanga imeweka kambi mkoani Tanga kuelekea mchezo huo unaosubiriwa kwa hamu na wakazi wa mkoa wa Tanga na maeneo ya jirani
