Aliyekuwa kocha msaidizi wa Yanga Noel Mwandila ameachana na klabu ya Buildcon Fc inayoshiriki ligi kuu nchini Zambia
Mwandila alijiunga na Buildcon muda mfupi baada ya Yanga kulifuta kazi benchi lote la ufundi mwezi Novemba 2019
Inaelezwa Buildcon ilimchukua Mwandila kuwa kocha msaidizi huku wakiwa na mpango wa kumchukua kocha Mwinyi Zahera kuwa kocha mkuu
Hata hivyo mpango wa kumnasa Zahera ulikwama baada ya Mcongomani huyo kugoma kujiunga nao katikati ya msimu
Taarifa iliyotolewa na Buildcon mapema jana imebainisha kuwa mkataba wake umevunjwa baada ya pande zote kufikia makubaliano
Mwandila alitua Yanga kama mtaalam viungo mwishoni mwa mwaka 2016 akiletwa na George Lwandamina aliyekuwa kocha mkuu wa Yanga wakati huo
Msimu uliopita na mwanzoni mwa msimu huu alifanya kazi na Mwinyi Zahera akiwa kocha msaidizi
