Yanga yaanza maandalizi kuelekea mchezo dhidi ya Lipuli Fc

Baada ya ushindi wa bao 1-0 dhidi ya Mtibwa Sugar jana, kikosi cha Yanga leo kimeendelea na mazoezi kujiandaa na mchezo unaofuata dhidi ya Lipuli Fc

Keshokutwa Jumatano, Februari 05 Yanga itashuka kwenye uwanja wa Taifa kuwakabili Wana Paluhengo hao kutoka mkoani Iringa

Mchezo huo utakuwa wa kisasi kwa Yanga ambayo msimu uliopita ilipoteza mechi mbili dhidi ya Lipuli, mchezo wa marudiano wa ligi kuu pamoja na mchezo wa nusu fainali kombe la FA

Ushindi dhidi ya Mtibwa Sugar umeirudisha Yanga kwenye nafasi ya nne katika msimamo wa ligi baada ya kufikisha alama 31 ikiwa imeshuka dimbani mara 16

Yanga bado ina mechi mbili za viporo