Afisa Mhamasishaji wa Yanga Antonio Nugaz amesema timu hiyo haikuwa na mpango wa kumsajili kiungo wa zamani wa Simba James Kotei kama ilivyoripotiwa na vyombo vya habari
Nugaz amesema kwa sasa Yanga haihitaji mchezaji aina yake kwani inao wachezaji wazuri
"Taarifa za sisi kutaka kumsajili Kotei hazina ukweli wowote kwani hana kiwango cha kucheza Yanga," Nugaz aliiambia Wasafi Fm
"Tunaye Abdulaziz Makame ambaye yuko katika kiwango kizuri. Kotei hawezi kupata namba kwenye timu yetu"
Nugaz ni kama amejibu kauli aliyotoa Kotei jana kuwa aligoma kujiunga na Yanga kwa kuwa hapendi kuwaudhi mashabiki wa Simba, timu aliyoitumikia kwa misimu mitatu
Inaelezwa Kaizer Chiefs ilikuwa tayari kumtoa kwa mkopo Yanga nyota huyo raia wa Ghana
Kotei amekosa nafasi kwenye kikosi cha Kaizer Chiefs, hajacheza mchezo wowote tangu aliposajiliwa mwezi Julai 2019
