Niyonzima apewa baraka zote AS Kigali

Kiungo mpya wa Yanga Haruna Niyonzima amewaaga wachezaji na viongozi wa klabu ya AS Kigali ambayo ameitumikia kwa miezi sita

Niyonzima alikuwa nahodha wa timu hiyo, alikabidhiwa jezi ya AS Kigali ikiwa shukrani ya huduma yake

Baada ya tukio hilo, ni wazi Niyonzima wakati wowote atajiunga na kikosi cha Yanga

Juzi Afisa Mhamasishaji wa Yanga Antonio Nugaz alisema Niyonzima alitarajiwa kuwasili leo

Hata hivyo Afisa Habari wa Yanga Hassan Bumbuli amesema taarifa rasmi itatolewa baada ya mchezaji huyo kuwasili

Kuhusu uwezekano wa kucheza mchezo wa Jumamosi dhidi ya Simba, Bumbuli amesema anaweza au asiweze kucheza

Lakini muhimu amesema Yanga ina kikosi kipana ambacho kina wachezaji wanaoweza kuwapa matokeo kwenye mchezo dhidi ya Simba