Kamusoko apona majeraha, kuanza na Simba

Nahodha msaidizi wa Yanga Thabani Kamusoko amepona majeraha yake na atakuwa tayari kurejea dimbani katika mchezo wa ligi kuu ya Vodacom dhidi ya Simba.

Kamusoko alikuwa akisumbuliwa na majeraha ya kisigino na aliachwa kwenye kikosi cha Yanga kilichosafiri kanda ya ziwa ili aendelee na matibabu.

Daktari wa Yanga, Dk Edward Bavu amethibitisha kupona kwa mchezaji huyo lakini akabainisha kuwa atajiunga na kikosi cha Yanga kitakachoweka kambi kujiandaa na mchezo dhidi ya Simba.

Donald Ngoma na Amissi Tambwe ni wachezaji wengine wa Yanga waliokuwa majeruhi lakini imetaarifiwa kuwa hali zao zimeimarika