Afisa Mhamasishaji wa Yanga Antonio Nugaz amesema kiungo Haruna Niyonzima atawasili kesho Jumatano kujiunga na mabingwa hao wa kihistoria
Nugaz amesema wataandaa utaratibu maalum wa kumpokea kiungo huyo fundi ambaye ujio wake ulianza kutangazwa tangu juzi
"Niyonzima atawasili siku ya Jumatano, panapo majaaliwa tunaweza kumtumia kwenye mchezo dhidi ya watani zetu Simba siku ya Jumamosi," amesema Nugaz
"Tutaandaa utaratibu maalum kwa mashabiki kumpokea na kumkaribisha Yanga kwa mara ya pili"
Usajili wa kutikisa nchi unakuja
Katika hatua nyingine, Nugaz amesema bado GSM hawajafunga usajili kwani wanatarajia kumshusha nyota ambaye usajili wake utatikisa nchi
"Bado kuna 'big signing' moja inakuja. Tunashusha jembe ambalo litawalaza watu na viatu mapemaaa," alitamba Nugaz
Milioni 50 kutolewa mchezo dhidi ya Simba
Ukiwa ni utaratibu wa uhamasishaji ambao wadhamini wa Yanga kampuni ya GSM wamejiwekea, mchezo dhidi ya Simba wataweka mezani kitita cha Tsh Milioni 50 badala ya Milioni 10 ambazo wameweka michezo iliyopita
"GSM wameweka kwenye ubao Tsh Milioni 50 ili kuhakikisha mnyama anakufa Jumamosi, fedha hizo nitazikabidhi mwenyewee..," aisema Nugaz
