Mshambuliaji Tariq Seif Kiakala amefungua ukurasa wa mabao kwenye kikosi cha Yanga baada ya kufunga bao pekee la ushindi kwenye mchezo wa ligi kuu dhidi ya Biashara United
Ulikuwa mchezo ambao kama sio bao hilo la Tariq, pengine ungemalizika kwa suluhu
Ukweli ni kwamba leo vijana wamecheza chini ya kiwango, timu haikuonekana kuwa na shauku ya kusaka ushindi
Ni mchezo ambao mshambuliaji David Molinga hakuwa katika ubora ambao wengi walianza kuuona kutoka kwake
Kwani Tariq alyeingia kuchukua nafasi yake, pamoja na ugeni wake kwenye kikosi cha Yanga aliweza kutumia nafasi aliyopata kuipa Yanga ushindi muhimu
Lakini muhimu Yanga ilihitaji ushindi, matokeo ambayo yamepatikana
Bila shaka kocha Charles Mkwasa atatumia siku zilizobaki kufanya maboresho ya kikosi chake kabla ya mchezo dhidi ya Simba ambao utapigwa Januari 04 2020
