Yanga yamaliza ziara kwa ushindi Kigoma

Yanga imemaliza ziara yake mkoani Kigoma kibabe baada ya kuichapa Kigoma United mabao 3-0 katika mchezo uliopigwa uwanja wa Lake Tanganyika

David Molinga 'Falcao' ndiye aliyekuwa shujaa wa mchezo huo akifunga mabao mawili huku bao jingine likiwekwa kambani na Mrisho Ngasa

Huo ni ushindi wa pili Yanga inapata mkoani Kigoma baada ya juzi kuichapa Namugongo Fc mabao 2-1

Mabingwa hao wa kihistoria wanarejea jijini Dar es salaam kuendelea na maandalizi ya mchezo wa kombe la FA dhidi ya Iringa United