Ni wazi wachezaji wa Yanga sasa wanapita kwenye wakati mgumu kutokana na changamoto za kiuchumi ambazo timu yao inapitia
Ni kipindi ambacho kipimo chao cha uvumilivu kinajaribiwa na haishangazi kuona baadhi ya wachezaji wameanza kushindwa mtihani huu
Lakini beki Ally Mtoni 'Sonso' amesema anaamini kipindi hiki kitapita, furaha itarejea kwa uwezo wa Mwenye ez Mungu
"Hakuna wa kuombwa zaidi yako Mungu, uzidi kutupa furaha na timu yetu ya Yanga," ameandika Mtoni kwenye ukurasa wake wa mtandao wa Instagram
"Inshallah Mungu ataleta wepesi tuweze kupata amani katika klabu yetu"
Ujumbe huu unadhihirisha ni kiasi gani hali ambayo wanapitia wachezaji inawaumiza lakini pia wanajiona kuwa na deni la kuwapa furaha mashabiki wao bila ya kujali yanayoendelea nyuma ya pazi
