Makamu Mwenyekiti wa Yanga Fredrick Mwakalebela amemkaribisha Makao Makuu ya klabu hiyo Mwinyi Zahera aliyekuwa Kocha Mkuu wa timu hiyo
Zahera amerejea nchini leo kwa kile alichoeleza kuja kufuatilia madai yake katika klabu ya Yanga
Mwakalebela amesema hawana tatizo na Zahera na wanamkaribisha Jangwani kwa ajili ya majadiliano ya suala lake
"Tumesikia yuko nchini kupitia vyombo vya habari, tunamkaribisha afike ofisini kwetu kwani ndio sehemu sahihi ambayo hilo lililomleta linaweza kuzungumzwa," amesema
"Tunafahamu alikuwa kocha wetu, sisi kama Yanga hatuna tatizo nae, afike tu ofisini"
Baada ya kutua nchini Zahera amedai kuja kuchukua fedha zake Yanga pamoja na kusaini barua ya kuvunja mkataba ambayo hakuisaini awali
Tangu kuvunjwa mkataba wake Zahera amekuwa akiushushia tuhuma mbalimbali uongozi wa Yanga jambo ambalo limeonekana kuwakera viongozi hao
