Msimu uliopita Yanga ilifanikiwa kuondoka na alama zote sita jijini Mwanza kwa kupata ushindi dhidi ya Mbao Fc na Alliance Fc
Misimu ya nyuma uwanja huo ulikuwa mgumu kwa Yanga kuondoka na ushindi
Tayari msimu huu imeshachukua alama tatu kwa Mbao Fc baada ya kuibuka na ushindi wa bao 1-0 katika mchezo wa ligi kuu uliozikutanisha timu hizo mwezi uliopita
Ijumaa ijayo, Novemba 29 2019, Yanga inarudi tena Mwanza kuikabili Alliance Fc katika mchezo wa kwanza baina ya timu hizo msimu huu
Mchezo huo ni wa kiporo kwani ulipaswa kupigwa mwezi uliopita lakini uliahirishwa kutokana na Yanga kukabiliwa na mchezo wa kombe la Shirikisho dhidi ya Pyramids Fc
Yanga inaonekana kuwa sawa tangu imtimue Mwinyi Zahera
Chini ya kaimu kocha Mkuu Charles Mkwasa, imeshinda michezo miwili ya ligi na mchezo mmoja wa kirafiki dhidi ya Coastal Union achana na ile michezo waliyocheza Nanyumbu na Masasi kwani haikujumuisha idadi kubwa ya wachezaji wa kikosi cha kwanza
Ikiwa imeachwa alama 12 na watani zao Simba, inahitaji kushinda mechi zake zote nne za viporo ili iweze kuwafikia wapinzani wao wakuu katika mbio za kuwania ubingwa wa ligi kuu msimu huu
Matokeo ya ushindi mechi dhidi ya Alliance Fc ni muhimu
