Kikosi cha Yanga leo jioni kinashuka kwenye uwanja wa Uhuru kuikabili JKT Tanzania ukiwa ni mchezo wa ligi kuu ya Tanzania Bara
Huo utakuwa ni mchezo wa pili wa ligi kwa Kaimu Kocha Mkuu Charles Mkwasa ambaye mpaka sasa amekuwa na mwanzo mzuri katika kikosi cha Yanga
Akizungumza baada ya mazoezi ya jana, Mkwasa alisema vijana wake wako tayari kwa mchezo huo ambao wanafahamu watakabiliwa na upinzani mkali kutoka kwa JKT Tanzania
Habari njema kwa Yanga ni kurejea kikosini kwa wachezaji wake muhimu waliokuwa majeruhi walinzi Ally Ally, Lamine Moro na kiungo Mohammed Issa 'Banka'
Hata hivyo Yanga huenda ikakosa huduma ya wachezaji waliokuwa timu ya Taifa Metacha Mnata, Kelvin Yondani na Abdulaziz Makame
Mchezo utapigwa saa kumi jioni kiingilo VIP ikiwa Tsh 10,000/- na Mzunguuko Tsh 5,000/-
