Akihojiwa mapema leo eFM radio, aliyekuwa kocha Mkuu wa Yanga Mwinyi Zahera ameushukia uongozi wa timu hiyo kuwa ulishindwa kuihudumia timu
Zahera amesema timu hiyo ilipata changamoto ilipokwenda kucheza mechi za ligi ya mabingwa nchini Botswana na Zambia
Amesema viongozi walishindwa kuhudumia timu Botswana ambapo walilazimika kupanda basi kutoka Afrika Kusini mpaka Gaborone
Lakini pia viongozi walishindwa kulipa baadhi ya gharama za chakula
Pia Zahera amesema kuwa hali kama hiyo ilijitokeza Zambia, alilazimika kutoa pesa zake kwa ajili ya chakula na uwanja wa mazoezi
Aidha, katika mchezo uliofanyika uwanja wa CCM Kirumba dhidi ya Pyramid Fc, viongozi waliipeleka timu katika Hotel isiyo na utulivu hali iliyomfanya yeye mwenyewe awasiliane na viongozi wa GSM kutatua tatizo hilo
Mkoani Mwanza, Zahera amesema alilipa gharama ya vinywaji ambayo viongozi wa Yanga walishindwa kuilipa
Hata katika masuala ya usajili Zahera amesema alitumia fedha zake, uongozi ukiahidi kumrudishia
Mcongomani huyo pia ameushushia lawama uongozi wa Yanga kwa kuingilia majukumu ya benchi la ufundi
Amesema moja ya sababu iliyopelekea msimu uliopita wakafanya vizuri, ni viongozi kujitenga na masuala ya benchi la ufundi hali ambayo amesema imekuwa tofauti wakati huu wa uongozi mpya
Amesema hana kinyongo kuondoka Yanga, anajivunia mafanikio aliyoipa timu hiyo msimu uliopita
Hata hivyo kocha huyo anasubiri kulipwa fedha zake za kuvunjiwa mkataba pamoja na madeni ambayo Yanga ilikuwa ikikopa kwake...!
