Nahodha wa Yanga Papy Tshishimbi amewaomba radhi mashabiki baada ya timu yao kuondoshwa kwenye michuano ya kombe la Shirikisho kwa kufungwa jumla ya mabao 5-1 na Pyramids Fc
Tshishimbi amesema matokeo hayo hayawakatishi tamaa, bali yatakuwa chachu kwao kupambana ili waweze kufanya vizuri wapate nafasi ya kushiriki tena michuano hiyo msimu ujao
"Tunawaambia mashabiki wetu kuwa hatuwezi kukata tamaa, najua hii sio mara ya kwanza na ya mwisho kwa Yanga kufungwa. Tutahakikisha tunajituma ili tuweze kutwaa ubingwa mwakani tushiriki tena"
"Tunawaomba mashabiki waendelee kutuunga mkono, ni matokeo ya mpira wa miguu wakati mwingine hayawi ya kufurahisha. Nafahamu mtu ukishapenda timu utaishabikia hiyo hiyo huwezi kuhama"
"Hivyo naomba wazidi kutuunga mkono, sisi tutaendelea kupambana, tunaanza matayarisho kwa ajili ya ligi. Tutakwenda Mtwara tukiwa na malengo ya kupata ushindi, Hatuwezi kukubali kufungwa mara tatu mfululizo, " amesema
