Yanga kuifuata Pyramids Fc leo

Msafara wa kikosi cha Yanga unaondoka nchini leo kuelekea Misri kwa ajili ya mchezo wa marudiano kombe la Shirikisho dhidi ya Pyramids Fc

Mchezo huo utapigwa Jumapili, Novemba 03 katika uwanja wa June 30

Yanga inatarajiwa kuondoka na msafara wa wachezaji 20. Aidha tayari baadhi ya viongozi walishatangulia nchini humo kuweka sawa mapokezi ya kikosi hicho

Kocha Mwinyi Zahera amesema watakuwa na siku mbili za kufanya maandalizi Misri kabla ya kuwakabili Pyramids ambao wana faida ya ushindi wa mabao 2-1 waliopata nchini

Yanga inahitaji kushinda kuanzia mabao mawili au zaidi ili iweze kutinga makundi