Kocha Mkuu wa Yanga Mwinyi Zahera amesema hana tatizo na mashabiki waliomtukana na kumrushia makopo jijini Mwanza baada ya Yanga kukubali kipigo cha mabao 2-1 dhidi ya Pyramids Fc
Zahera ambaye amerejea jijini Dar es salaam kwa ajili ya maandalizi ya kikosi chake kuelekea mchezo wa marudiano ambao utapigwa Novemba 03, amesema anafahamu siku zote mashabiki wa soka wanachohitaji ni ushindi tu
"Mimi sina tatizo na tukio lile, nafahamu mashabiki walikuwa na hasira baada ya timu yao kufungwa. Msimu uliopita hata kocha wa Simba mashabiki hawahawa si walimtupia makopo lakini baadae si alikuja kutwaa ubingwa?," aliongeza Zahera
Hata hivyo Zahera amesisitiza pamoja na timu kupoteza mchezo, wachezaji wake wanastahili pongezi kutokana na kazi kubwa waliyofanya
"Kuna nyakati hatukucheza vizuri na muda mwingine tulicheza vizuri. Lazima tukubali, tulicheza na timu bora zaidi yetu, vijana wangu walifanya kazi kubwa na niliwapongeza sana baada ya mchezo"
"Tulifanya maandalizi ya kutosha kuwakabili, kupoteza mchezo ni matokeo ya bahari mbaya ambayo yalisababishwa na makosa ya kupoteza umakini"
