Ukiangalia orodha ya wachezaji wa kikosi cha Yanga ambacho kitaivaa Pyramids Fc muda mchache ujao, wachezaji wako 17, wachezaji 11 wakianza na sita wakiwa benchi badala ya saba
Hata hivyo kati ya hao sita walio nje, magolikipa ni wawili Metacha Mnata na Ramadhani Kabwili
Ni dhahiri changamoto hiyo imesababishwa na wimbi la majeruhi
Wengi wameshangazwa kukosekana kikosini kwa mshambuliaji Juma Balinya ambaye hayuko hata kwenye wachezaji wa akiba
Ingawa uongozi wa Yanga haujatoa taarifa rasmi, Mshambuliaji huyo huenda amepata majeraha kuelekea mchezo huo kwani hakukuwa na sababu ya kukosekana miongoni mwa wachezaji wa akiba kwani hata waliopo wako pungufu
Beki Lamine Moro anatumikia adhabu ya kadi mbili za njano wakati Mustafa Suleyman na David Molinga wao hawana vibali
Ilitangazwa mapema kuwa wachezaji Paulo Godfrey, Mohammed Issa, Issa Bigirimana, Maybin Kalengo na Raphael Daudi ni majeruhi
Pia ikumbuke wachezaji wenye sifa ya kushiriki michuano hii ni wale waliosajiliwa CAF, wengine wanaweza kuwa wamesajiliwa kwa ajili ya ligi lakini hawana sifa ya kucheza michezo hii mfano Gustava Saimon na Cleofas Sospeter
