Ukiwa jijini Mwanza wakati huu unaweza ukadhani kuna sherehe ya Kitaifa lakini ukweli ni kwamba ni shamrashamra za Wananchi wakiwa njiani kuelekea CCM Kirumba ambako baadae timu yao itachuana na Pyramids Fc kwenye mchezo wa kombe la Shirikisho
Ari ya mashabiki iko juu, wengi wamehamasika na kufurahia uamuzi wa Yanga kuupeleka mchezo huo Mwanza
Hakika hii ni siku muhimu kwa Wanayanga wa Mwanza na Tanzania kwa ujumla, siku hii itapendeza zaidi kama ushindi utapatikana Kirumba baadae
Pamoja na uwepo wa mashabiki wachache wa Simba ambao wamepanga kwenda Kirumba kuishangilia Pyramids Fc, 'nyomi' la Wanayanga litawapoteza kabisa
Mjumbe wa Kamati ya uhamasishaji Jimmy Kindoki amewataka mashabiki wa Yanga kuingia mapema uwanjani kuchukua nafasi majukwaani ili kuwakwamisha wapinzani wao waliopanga kwenda kuwapa sapoti Pyramids Fc
Tayari mageti ya uwanja wa CCM Kirumba yamefunguliwa na mashabiki wameanza kuingia
