Dk Msolla awakumbusha mashabiki kuchangamkia tiketi

Mashabiki wa klabu ya Yanga wamekumbushwa kuchangamka kununua tiketi kuelekea mchezo wa kombe la Shirikisho dhidi ya Pyramids Fc ambao utapigwa kesho Jumapili kwenye uwanja wa CCM Kirumba

Siku ya leo tiketi zinapatikana katika vituo vitatu pekee ambavyo ni uwanja wa Nyamagana, viwanja vya Furahisha na Tawi la Yanga la Mtaa wa Rufiji

Mwenyekiti wa Yanga Dk Mshindo Msolla amewataka mashabiki wote ambao watahitaji kuingia uwanjani kesho wawahi kununua tiketi kwani zitakapoisha zoezi hilo litafungwa

Amesema kila shabaki anayenunua tiketi atapatiwa nakala mbili, ambazo ni tiketi ya EFD na kiambatanisho, amewataka mashabiki kutokukubali kupewa tiketi bila kiambatanisho