Mabingwa wa kihistoria Yanga wamepata ushindi muhimu dhidi ya Mbao Fc baada ya kuichapa bao 1-0 kwenye mchezo uliopigwa uwanja wa CCM Kirumba leo
Bao pekee la Yanga liliwekwa kimiani na Sadney Urikhob kwenye dakika ya 57 akimalizia krosi murua iliyopigwa na Mapinduzi Balama
Ulikuwa ni mchezo uliojaa ubabe, Yanga ilitengeneza nafasi zaidi lakini ikifanikiwa kutumia nafasi moja
Yanga ilihitaji ushindi kwenye mchezo wa leo ili kuweka juu morali ya wachezaji kuelekea mchezo dhidi ya Pyramids FC utakaopigwa Jumapili Oktoba 27
Aidha ushindi huo unawafanya waendelee kupanda juu kwenye msimamo wa ligi sasa wakishika nafasi ya 11 baada ya kufikisha alama saba
Kwa mara ya pili wachezaji wa Yanga wameondoka na kitita cha Mil 10 zilizotolewa na GSM
ADVERTISE HERE
