Beki wa kulia wa Yanga Paulo Godfrey 'Boxer' anakamilisha program maalum ya mazoezi akitarajiwa kujumuishwa kikosini baada ya mchezo wa Ligi Kuu dhidi ya Mbao Fc
Daktari wa Yanga Dk Shedy Mgazija amesema Boxer alikuwa akisumbuliwa na majeraha ya goti, amepona na ataanza rasmi mazoezi ya kikosi cha kwanza ndani ya siku mbili
"Kwa ujumla hapa Mwanza tunaendelea vizuri labda nizungumzie hali ya mchezaji wetu Boxer.. Alipata majeraha upande wa goti la kulia, matibabu yake yalichukua muda lakini kwa sasa hivi anaendelea vizuri"
"Kwa sasa anaendelea na program ya mazoezi ya peke yake aliyopewa na kocha Mwinyi Zahera ili kujiweka fit, lakini kimsingi amepona"
"Tunatarajia atajumuika kwenye mazoezi na wachezaji wengine baada ya siku mbili, " amesema Dk Mgazija
Boxer alipata majeraha August 24 kwenye mchezo wa marudiano ligi ya mabingwa dhidi ya Township Rollers, mchezo uliopigwa nchini Botswana na Yanga kuibuka na ushindi wa bao 1-0
