Kiungo wa zamani wa Yanga Haruna Niyonzima jana alikutana na Abdallah Bin Kleb, ambaye ndiye aliyekamilisha usajili wake wa kujiunga na Yanga mwaka 2012
Bin Kleb alisafiri nchini Rwanda na kikosi cha timu ya Taifa yeye akiwa mmoja wa wajumbe wa Kamati ya uhamasishaji
Baada ya mchezo wa kirafiki dhidi ya Rwanda ambao ulimalizika kwa suluhu ya bila kufungana, wawili hao walikutana
"Leo nimekutana na baba yangu boss wangu mtu aliyenifanya Watanzania wote wa kanijua"
"Nakumbuka ilikuwa 2012 aliponifuata nyumbani kwetu na leo tumekutana tena"
"Nakuombea maisha marefu Abdallah (bin-kleb) wewe ni zaidi ya ndugu yangu,uliishi na mimi vizuri na ulikuwa mtu mwema kwangu"
"Allah azidi kukulinda na kukuepusha na kila jambo baya," ulisomeka ujumbe washukrani aliotoa Niyonzima
Niyonzima amekuwa akihusishwa kutaka kurejea Yanga, timu aliyoitumikia kwa mafanikio zaidi nchini Tanzania
