Rutanga kutua Yanga dirisha dogo

Yanga iko kwenye mchakato kabambe wa kumnasa beki wa kushoto wa Rayon Sports Erick Rutanga

Habari za uhakika ni kuwa mabingwa hao wa kihistoria wamedhamiria kumsajili beki huyo wa Kimataifa wa Rwanda kwenye usajili wa dirisha dogo mwezi ujao

Yanga ina beki mmoja wa asili upande wa kushoto Muharami Issa 'Marcelo' aliyesajiliwa baada ya Gadiel Michael kugoma kuongeza mkataba dakika za majeruhi na kuamua kutimkia Simba

Mwenyekiti wa Yanga Dk Mshindo Msolla yuko Rwanda ambapo amekutana na bosi wa Rayon Sport Munyakazi Sadate

Pamoja na mambo mengine, Yanga inataka kuanzisha ushirikiano na klabu hiyo katika kukuza soka la vijana