Kaimu Katibu Mkuu wa Yanga Dismas Ten amesema matokeo ya mchezo wa ligi kuu ya Vodacom baina ya timu yake dhidi ya Coastal Union hayatabadilika na kuwa mjadala wa uhalali wa goli la Yanga hauwezi kubadili chochote
Jana Yanga iliibuka na ushindi wa bao 1-0 dhidi ya Coastal Union kwenye mchezo uliopigwa uwanja wa Uhuru
Bao la kiungo Abdulaziz Makame liliibua mjadala mkali kwenye mitandao ya kijamii huku baadhi ya mashabiki wakimtupia lawama mwamuzi kwa kulikubali bao hilo wakidai mlinzi wa Coastal Union aliokoa mpira kabla haujavuka mstari
Lakini uchambuzi wa picha za marudio unaonyesha mlinzi huyo alikuwa amevuka mstari sambamba na mpira wakati akiokoa
Aidha kulikuwa na mkanganyiko kati ya Mwamuzi wa kati na msaidizi wake ambapo mwamuzi wa pembeni aliinua kibendera akiashiria mfungaji alikuwa ameotea
"Tunaandika tu ujumbe, watakaosoma watawafikishia wahusika, Yanga 1-0 Coastal Union mechi iliisha hivyo haitabadilika. Msimalize bando kuposti video," ameandika Ten kwenye ukurasa wake wa mtandao wa Instagram
Pamoja na utata wa bao hilo, mshambuliaji David Molinga alifunga bao kwenye dakika ya 81 lakini lilikataliwa na mwamuzi msaidizi akidhania kuwa alikuwa amepotea
