Msemaji na Afisa Uhamasishaji wa Yanga Antonio Nugaz amempiga 'dongo' msemaji wa klabu ya Simba Haji Manara kuwa muda mwingi amekuwa akiisema Yanga zaidi kuliko timu yake
Akizungumza baada ya mchezo dhidi ya Coastal Union jana ambao Yanga ilishinda 1-0, baada ya wanahabari kumtaka azungumzie baadhi ya mambo yanayozungumzwa na Manara, Nugaz alisema ni vyema kila Msemaji akaizungumzia timu yake
"Mwenye akili timamu huwa hajibu vitu vya kijinga.. tulishasema kila msemaji asemee timu yake lakini tunashangaa yeye bado anaisemea yetu"
"Fanya ya kwako, hii ni brand kubwa, semea ya kwako...('usishoboke..!') hii Yanga ni ya kwetu"
Aidha Nugaz amesema baada ya kufanya majadiliano na kampuni ya GSM, walikubali kutoa Milioni 10 kama fedha za motisha kuhakikisha timu inafanya vizuri
"GSM ni wadhamini wetu, tuliwaambia kama timu haifanyi vizuri mashabiki hawatanunua jezi na bidhaa nyingine hivyo wanapaswa kuwajibika kama Wanayanga pale timu inapokuwa haipati matokeo"
GSM ilitoa Tsh Milioni 10 za motisha ambazo walikabidhiwa wachezaji uwanja wa Uhuru baada ya ushindi wa bao 1-0 dhidi ya Coastal Union
