Pamoja na kupoteza mchezo dhidi ya Zesco, wachezaji wa Yanga wameonyesha ujasiri mkubwa wa kupambana katika mchezo huo uliokuwa mgumu
Kujifunga kwa Makame ni tukio la bahati mbaya hivyo hawezi kulaumiwa kwa kuwa ni sehemu ya mchezo
Jambo pekee la kujilaumu ni kushindwa kupata ushindi kwenye mchezo wa nyumbani
Kwani kama Yanga ingeshinda mchezo wa kwanza hata kwa bao 1-0, ingeweza kutinga makundi licha ya kupoteza mchezo wa leo
Hili ni jambo ambalo benchi la ufundi linapaswa kulifanyia kazi ili kuhakikisha Yanga inashinda inapocheza nyumbani
Kutolewa kwa Yanga leo kumesababishwa na sare ya bao 1-1 ya mchezo wa kwanza
Timu inaelekea kwenye michuano ya kombe la Shirikisho ambako itapangwa na moja ya timu zitakazofuzu hatua ya 16 bora kwenye michuano hiyo
Mchezo wa kwanza Yanga itakuwa nyumbani. Ushindi katika mchezo huo ni lazima ili kupunguza presha ya mchezo wa marudiano
Safu ulinzi ya Yanga pamoja na mlinda lango Metacha Mnata leo walifanya kazi kubwa kuhakikisha timu inapata matokeo
Makosa madogo tu yamewanufaisha Zesco lakini zaidi yamechangiwa na sare ya mchezo wa kwanza
