Kocha Mkuu wa ZESCO United George Lwandamina amesema anafahamu mchezo wa marudiano kati ya timu yake dhidi ya Yanga utakaopigwa nchini Zambia hautakuwa mwepesi kutokana na rekodi za timu hizo
ZESCO itakuwa mwenyeji wa mchezo huo utakaopigwa Septemba 26 nchini Zambia
Yanga imekuwa na mwenendo mzuri wa matokeo inapocheza ugenini kuliko nyumbani
Tayari imedhihirisha hilo katika mchezo wa hatua ya awali kwa kuichapa Township Rollers bao 1-0 nchini Botswana baada ya sare ya bao 1-1 katika mchezo uliopigwa Dar
Lwandamina amesema anafahamu rekodi hiyo kwani hata wakati akiwa na Yanga walifanya vizuri zaidi katika michezo ya Kimataifa waliyocheza ugenini
Lakini amesema ZESCO pia ina rekodi ya kutofungwa inapocheza uwanja wa nyumbani
"Najua Yanga ina takwimu nzuri katika michezo ya ugenini, hata wakati wa kipindi changu, lakini Zesco nayo haijawahi kufungwa mechi yoyote ya Kimataifa Zambia"
"Utakuwa ni mchezo mgumu lakini tutakuwa na nafasi zaidi ya kutumia vyema uwanja wa nyumbani"
