Mshambuliaji mpya wa Yanga David Molinga 'Falcao' leo ameanza kwenye kikosi cha kwanza kinachoikabili Ruvu Shooting kwenye mchezo utakaopigwa uwanja wa Uhuru
Kocha Mkuu wa Yanga Mwinyi Zahera amefanya mabadiliko ya kikosi chake, akiwaanzisha Molinga, Suleyman Mustafa na Shikalo ambao waliokosa mechi za ligi ya mabingwa dhidi ya Township Rollers kutokana na kutokamilika kwa vibali vyao
Mustafa ameanza upande wa kulia kuchukua nafasi ya Boxer ambaye ni majeruhi
Zahera amempeleka Balinya pembeni akichukua nafasi ya Mapinduzi Balama huku akiwatumia Molinga na Sadney wakiwa washambuliaji wa kati
Hii ni nafasi kwa Molinga kuonyesha makali yake
Aidha kiungo Feisal Salum ameanza sambamba na Tshishimbi akichukua nafasi ya Banka ambaye ameanzia benchi ikielezwa ana majeraha madogo
