Mchezo wa ligi kuu ya Vodacom kati ya Yanga dhidi ya Mtibwa Sugar uliopigwa kwenye dimba ka Uhuru umemalizika kwa suluhu ya 0-0.
Licha ya kutawala mchezo huo kwa muda mwingi hasa kipindi cha pili, washambuliaji wa Yanga walishindwa kuukwamisha mpira wavuni.
Katika mchezo huo Yanga ilimtumia kiungo Pius Buswita kwa mara ya kwanza msimu huu baada ya kumaliza utata wa usajili wake, amecheza vizuri.
Safu ya ushambuliaji ya Yanga ilichangamka zaidi kwenye kipindi cha pili baada ya kocha George Lwandamina kuwaingiza Thabani Kamusoko, Geofrey Mwashiuya na baadae Juma Mahadhi kuchukua nafasi za Chirwa, Raphael Daudi na Donald Ngoma aliyepata majeraha.
Uimara wa mlinda lango wa Mtibwa Benedict Tinocco uliinyima Yanga nafasi ya kuibuka na ushindi kwenye mchezo huo.
Mtibwa Sugar nao hawakuwa nyuma kwenye mchezo huo kwani waliweza kutengeneza mashamulizi kadhaa kupitia kwa mshambuliaji wake Stamili Mbonde lakini uimara wa safu ya ulinzi wa Yanga na mlinda lango Youthe Rostand, ilikuwa kikwazo kwao.
Matokeo hayo yanaifanya Yanga ishindwe kuibuka na ushindi katika mchezo wa tatu kati ya mitano iliyocheza.
Aidha hiyo ni sare ya pili kwa mabingwa hao watetezi kwenye uwanja wao wa nyumbani.
Licha ya matokeo hayo Mtibwa Sugar imeendelea kuwa kileleni baada ya kufikisha alama 11 sawa na Azam FC iliyotoka sare ya bao 1-1 na Singida United.
Simba ina nafasi ya kukwea kileleni mwa msimamo wa ligi kama itapata ushindi dhidi ya Stand United kesho Jumapili.
Licha ya kutawala mchezo huo kwa muda mwingi hasa kipindi cha pili, washambuliaji wa Yanga walishindwa kuukwamisha mpira wavuni.
Katika mchezo huo Yanga ilimtumia kiungo Pius Buswita kwa mara ya kwanza msimu huu baada ya kumaliza utata wa usajili wake, amecheza vizuri.
Safu ya ushambuliaji ya Yanga ilichangamka zaidi kwenye kipindi cha pili baada ya kocha George Lwandamina kuwaingiza Thabani Kamusoko, Geofrey Mwashiuya na baadae Juma Mahadhi kuchukua nafasi za Chirwa, Raphael Daudi na Donald Ngoma aliyepata majeraha.
Uimara wa mlinda lango wa Mtibwa Benedict Tinocco uliinyima Yanga nafasi ya kuibuka na ushindi kwenye mchezo huo.
Mtibwa Sugar nao hawakuwa nyuma kwenye mchezo huo kwani waliweza kutengeneza mashamulizi kadhaa kupitia kwa mshambuliaji wake Stamili Mbonde lakini uimara wa safu ya ulinzi wa Yanga na mlinda lango Youthe Rostand, ilikuwa kikwazo kwao.
Matokeo hayo yanaifanya Yanga ishindwe kuibuka na ushindi katika mchezo wa tatu kati ya mitano iliyocheza.
Aidha hiyo ni sare ya pili kwa mabingwa hao watetezi kwenye uwanja wao wa nyumbani.
Licha ya matokeo hayo Mtibwa Sugar imeendelea kuwa kileleni baada ya kufikisha alama 11 sawa na Azam FC iliyotoka sare ya bao 1-1 na Singida United.
Simba ina nafasi ya kukwea kileleni mwa msimamo wa ligi kama itapata ushindi dhidi ya Stand United kesho Jumapili.
ADVERTISE HERE
