Mshambuliaji wa Yanga Patrick Sibomana amefichua kuwa mkwaju wa penati aliokosa kwenye dakika ya 30 ya mchezo dhidi ya Township Rollers, ulimuondoa mchezoni kwa muda
Sibomana mmoja wa wapambanaji wapya kwenye kikosi cha Yanga amesema walihitaji kushinda mchezo huo hivyo aliumia sana baada ya kukosa mkwaju wa penati
"Ilikuwa nafasi adimu kwetu, baada ya kukosa nilisikitika sana, nilikuwa nikifikiria nitawaambia nini wachezaji wenzangu na mashabiki wetu," alisema
Hata hivyo Sibomana amesema kuwa alijipa moyo na kuendelea kuipigania timu
Kuhusu kupiga penati ya pili, Sibomana amefichua awali alimtaka nahodha Papi Tshishimbi apige lakini akamwambia apige tena
"Nilimwambia Tshishimbi apige lakini naye akaniruhusu nipige tena"
Sibomana amesema wanajiandaa kikamilifu kuhakikisha wanapata ushindi kwenye mchezo wa marudiano utakaopigwa Botswana August 25
"Bado tuna nafasi ya kusonga mbele, sasa tunajiandaa vyema kuweza kupata matokeo ugenini"
