Juzi baada ya kuumia Paulo Godfrey 'Boxer', kocha Mwinyi Zahera alilazimika kumuingiza Ally Ally kuchukua nafasi yake
Licha ya kufanya vizuri katika ulinzi, Ally Ally alikosa ubunifu kwenye ushambuliaji
Mipira yake mingi ya krosi ilitoka nje au iliishia mikononi mwa mlinda lango
Ulikuwa ni wakati ambao mashabiki walimkumbuka beki Juma Abdul ambaye hakuwa na timu
Abdul na Andrew Vicent hawakuingia kambini mkoani Morogoro kutokana na mgogoro uliokuwepo kati yao na uongozi
Lakini hapana shaka kama Abdul angekuwepo mechi ya juzi, krosi zake zingesababisha madhara zaidi langoni kwa Rollers
Walinzi wa Rollers walionyesha udhaifu katika kucheza mipira ya krosi
Mikwaju yote miwili ya penati yalikuwa matokeo ya mipira hiyo
Hapana shaka wiki mbili kabla ya mchezo wa marudiano zinatosha kumuimarisha Abdul ili aweze kuwa na mchango kwenye mchezo huo
Ili kupata matokeo Botswana, Yanga itapaswa kucheza kama ilivyocheza kipindi cha pili juzi kwa kupitia pembeni
