Idadi ya mashabiki waliojitokeza uwanja wa Taifa leo kuiunga mkono Yanga dhidi ya Township Rollers haikuwa ya kuridhisha
Kwa kiwango kilichoonyeshwa na Yanga leo, kama mashabiki wangejaa kama siku ya kilele cha wiki ya Mwananchi, hakika timu ingeweza kufanya vizuri zaidi
Wingi wa mashabiki uwanjani ni silaha muhimu michezo ya nyumbani
Watani zetu Simba msimu uliopita walifanikiwa michezo yao yote ya nyumbani sio kwa kuwa walikuwa na kikosi imara sana, hapana, bali walitumia michezo ya nyumbani kuwafunga wapinzani wao kisaikolojia kabla ya mchezo
Kwani kitendo cha wageni kuingia uwanjani na kukuta mashabiki wametapakaa, kinawaweka kwenye hofu
Pengine kitengo cha uhamasishaji klabu ya Yanga kinapaswa kubadili mbinu ili kuwashawishi mashabiki kujitokeza kwa wingi uwanjani kwenye michezo kama hii
Mahudhurio hafifu ya mashabiki yanaweza kushusha morali ya wachezaji
