Taarifa za kusimamishwa sina - Chikupe

Beki wa Yanga Andrew Vicent Chikupe amesema hana taarifa za kusimamishwa na uongozi wa timu hiyo baada ya kukacha kambi mkoani Morogoro

Chikupe na nahodha Msaidizi Juma Abdul hawakuripoti kambini mkoani Morogoro kujifua na wenzao ikielezwa wamechukua uamuzi wa kujiweka pembeni mpaka pale watakapolipwa madai ya fedha za kusaini mikataba

Kumekuwa na taarifa zinazosambaa kwenye mitandao ya kijamii kuwa wachezaji hao wamesimamishwa na uongozi wa Yanga baada ya kugoma kuingia kambini mkoani Morogoro

"Sina taarifa kama nimesimamishwa lakini ni kweli nina madai kwa uongozi. Nasubiri wanikamilishie ili niweze kuingia kambini," amesema

Aidha kuhusu taarifa za kutaka kujiunga na Lipuli fc Chikupe amesema yeye bado ana mkataba na Yanga