Kocha Mkuu wa Yanga Mwinyi Zahera anatarajiwa kuwasili nchini wakati wowote kuungana na kambi ya kikosi cha Yanga mkoani Morogoro
Zahera alikwenda Ufaransa kwa mapumziko baada ya kumaliza majukumu ya timu ya Taifa ya DR Congo ambayo yeye ni kocha Msaidizi
Mcongomani huyo alimuachia Kocha Msaidizi Noel Mwandila majukumu ya kukiandaa kikosi cha timu hiyo kuelekea msimu mpya
Akizungumza jana baada ya mchezo wa kirafiki dhidi ya ATN Academy, Mratibu wa Yanga Hafidh Saleh alisema kocha huyo atawasili nchini siku yoyote kuanzia jana
Aidha taarifa za ndani zimebainisha kuwa Mcongomani huyo anatarajiwa kuwasili nchini kesho Alhamisi
Aidha Hafidh alisema licha ya kutokuwepo, Zahera amekuwa akifuatia maandalizi ya timu
Yanga iko mkoani Morogoro ikijiandaa na michezo ya awali kabla ya kuanza ligi mwezi ujao
August 04 itashuka uwanja wa Taifa kwenye mchezo wa kuhitimisha wiki ya Mwananchi, timu ikayochuana nayo ikitarajiwa kutangazwa leo
Aidha August 10 itaumana na Township Rollers kwenye mchezo wa kwanza wa ligi ya mabingwa hatua ya awali
Mchezo huo utapigwa uwanja wa taifa
