Yanga inajifua mkoani Morogoro ikiendelea na maandalizi ya msimu ya msimu mpya wa ligi kuu ya Tanzania Bara pamoja na michuano mbalimbali
Hata hivyo tayari wachezaji wa timu hiyo wameanza kuzungumzia jinsi ushindani wa namba unavyoanza kushamiri kwenye kikosi cha timu hiyo
Kwa jinsi Yanga ilivyofanya usajili wake, karibu kila nafasi ina wachezaji wawili ambao wana sifa ya kuanza kikosi cha kwanza
Hali hiyo ndio inayofanya kuongezeka kwa ushindani hata mazoezini kwani kila mchezaji anataka kujihakikishia nafasi mapema
Wakati msimu uliopita Yanga ilimtegemea mshambuliaji mmoja, msimu huu hali inaweza kuwa tofauti kutokana na ujio wa washambuliaji Sadney Urikhob, Juma Balinya na Maybin Kalengo
Washambuliaji hao wote wameonyesha uwezo mkubwa mazoezini na hakika watampa kazi Zahera ya kuamua nani aanze
Safu ya kiungo pia ushindani umekuwa mkubwa kutokana na ujio wa Mapinduzi Balama, Abdulaziz Makame wakiwa ni viungo wa kati wakati Issa Bigirimana na Patrick Sibomana wakiwa ni viungo wanaotokea pembeni
Hawa wanaungana na waliokuwepo Papi Tshishimbi, Feisal Salum, Raphael Daudi, Mrisho Ngasa na Deus Kaseke huku kinda Gustafa Simon akiongezeka katika eneo hilo
Ujio wa wachezaji wapya umeonekana kumuimarisha zaidi Ngasa ambaye moto wake huko Morogoro hauzimiki!
cutSafu ya ulinzi ndio inaweza kuwa na ushindani zaidi kwani ukiondoa nafasi za ulinzi wa pembeni ambazo Boxer na Marcelo wanaweza kuwa wamejihakikishia, kati shughuli itakuwa pevu
Mkongwe Kelvin Yondani, Ally Ally, Lamine Moro, Ally Mtoni, Cleofas Sospeter, Andrew Vicent na Mustapha Suleyman wote watakuwa wakiwania nafasi mbili za ulinzi wa kati
Ahueni itakuwa kwa Mtoni na Chikupe ambao wanaweza kucheza pembeni
Langoni nako, licha ya Farouk Shikalo kuwa katika nafasi nzuri, Metacha Mnata atakuwa karibu kuchukua nafasi yake kama atafanya makosa
Msimu huu Yanga haitakuwa na changamoto langoni kwani imesajili magolikipa wanne
Ushindani wa namba utainufaisha zaidi Yanga kwani kila mchezaji atakayepata nafasi kwenye kikosi cha kwanza atalazimika kufanya kazi ya ziada kuilinda nafasi hiyo
Kwani kosa moja tu linaweza kumuondoa kikosini
