Nitarudi Yanga siku moja - Makambo

Licha ya kuondoka Yanga, mshambuliaji Heritier Makambo ameeleza mapenzi yake kwa klabu hiyo hasa mashabiki waliokuwa wakimuunga mkono mwaka mmoja aliokuwa Tanzania

Makambo amesajiliwa na Horoya Ac ya Guinea kwa mkataba wa miaka mitatu, usajili wake ukiingizia Yanga zaidi ya Milioni 180

Amesema anaamini siku moja atarejea tena klabuni hapo

"Nawashukuru mashabiki wa Yanga kwa kusapoti timu na sisi wachezaji kila mahali tulipoenda," ameandika Makambo kwenye ukurasa wake wa mtandao wa Instagram

"Nashukuru Mungu kwa kucheza msimu mmoja naondoka, naimani siku moja nitarudi tena Yanga kuja kufurahisha mashabiki"

Makambo ameondoka Yanga akiwa amefunga mabao 22 kwenye mashindano yote ndani ya michezo takribani 42 aliyocheza