Lothi aongeza miaka miwili Yanga

Kiungo Raphael Daudi Lothi ataendelea kubaki Jangwani baada ya kuongeza mkataba wa miaka miwili, imefahamika

Lothi anakuwa mchezaji wa tatu kuongeza mkataba kuendelea kubaki Yanga baada ya Gadiel Michael na Papi Tshishimbi

Baada ya kukamilisha usajili wa wachezaji wa kigeni, uongozi wa Yanga sasa unawapa mikataba wachezaji ambao mikataba yao imemalizika

Mwenyekiti wa Yanga Dk Mshindo Msolla amesema zoezi hilo watalikamilisha wiki ijayo, na baadae watatangaza majina ya wachezaji ambao hawataendelea nao

Msimu uliopita haukuwa mzuri sana kwa Lothi aliyekuwa akisumbuliwa na majeraha ya mara kwa mara lakini ni miongoni mwa viungo wenye vipaji vikubwa

Lothi alitua Yanga misimu miwili iliyopita akitokea klabu ya Mbeya City