Kutinyu kuondoka Azam Fc akiwa mchezaji huru, ahusishwa kutua Yanga

Kiungo wa Azam Fc Tafadzwa Kutinyu anamaliza mkataba mwishoni mwa mwezi huu huku ikielezwa hataendelea kuitumikia timu hiyo

Kutinyu aliyetua Azam Fc akitokea klabu ya Singida United msimu uliopita, tayari amerejea kwao Zimbabwe kujiunga na timu ya Taifa itakayoshiriki michuano ya COSAFA na baadae AFCON 2019

Kiungo huyo aliyeifungia Azam Fc mabao sita kwenye ligi, anahusishwa na klabu ya Yanga

Meneja wa Azam Fc Philip Allando amethibitisha kuwa mkataba wa Kutinyu unamalizika mwishoni mwa mwezi huu na hatakuwa sehemu ya kikosi cha Azam kwa ajili ya msimu ujao

"Kutinyu mkataba wake unamalizika Mei 30, mwaka huu, ni siku chache zimebaki, lakini hayupo katika mipango yetu ya msimu ujao, hivyo yuko huru kuondoka," amesema

Hivi karibuni kocha Mkuu wa Yanga Mwinyi Zahera alisema timu hiyo imekamilisha usajili wa wachezaji nane

Zahera amesema ataweka hadharani majina ya wachezaji ambao wamesajiliwa na timu hiyo wiki ijayo