Mwili wa aliyekuwa Mwenyekiti wa Makampuni ya IPP Dk Reginald Mengi umewasili mkoani Kilimanjaro na utasafirishwa kwenda Machame kwa ajili ya mazishi hapo kesho
Mamia ya Wananchi wamejitokeza na kujipanga barabarani kuuaga mwili wa Mfanyabishara huyo aliyekuwa na moyo wa kuwasaidia wenye mahitaji
Dk Mengi alifariki dunia wiki iliyopita Dubai alikokuwa amekwenda kwa ajili ya mapumziko
Atapumzishwa katika nyumba yake ya milele kesho Alhamisi, Machame Moshi
Wakati wa uhai wake Dk Mengi alikuwa mdau mkubwa wa michezo. Yanga itamkumbuka zaidi kwa kuwa alikuwa Mwanachama wake na aliwahi kuifadhili timu hiyo miaka ya nyuma
Mwishoni mwa miaka ya 90, Dk Mengi alihusika katika kutatua mgogoro uliozuka wakati huo kati ya Yanga Asili na Yanga Kampuni enzi za uongozi wa Abbasi Tarimba ambaye sasa ni Mkurugenzi wa Utawala kampuni ya SportPesa
