Wanachama wa klabu ya Yanga wameamua kwa pamoja kumchagua Dk Mshindo Msolla kuwa Mwenyekiti wao baada ya kumpigia kura nyingi
Kulingana na matokeo rasmi yaliyotangazwa na Mwenyekiti wa Kamati ya Uchaguzi ya TFF Malangwe Mchungahella, Dk Msolla amepata kura 1276 akimshinda mpinzani wake Dk Jonas Tiboroha aliyepata kura 60
Baada ya Dk Msolla kutangazwa kuibuka mshindi, shangwe za wanachama zilisikika ukumbini ikiwa ni ishara ya kumuunga mkono
Aidha nafasi ya Makamu Mwenyekiti imechukuliwa na aliyewahi kuwa Katibu Mkuu wa TFF Fredrick Mwakalebela aliyepata kura 1206 na kuwashinda Janeth Mbene (67), Yono Kevela (31), Titus Osolo (17) na Salum Chota aliyepata kura 12
Shangwe nyingine ziliibuka baada ya Mwakalebela kutangazwa kuwa mshindi wa kiti cha Makamu Mwenyekiti
