Wachezaji wa zamani waliowahi kuitumikia Yanga, kesho Jumamosi wanatarajiwa kufanya kikao Makao Makuu ya klabu hiyo jijini Dar es salaam kujadiliana masuala mbalimbali yanayoihusu Yanga likiwemo suala la uchaguzi
Mwenyekiti wa wachezaji hao Ramadhani Kampila amesema kikao hicho ni mahsusi kwa ajili ya kujadili masuala ya maendelea hasa uchaguzi Mkuu wa klabu hiyo unaotarajiwa kufanyika May 05 2019
"Kesho wachezaji wote wa zamani tutakutana makao makuu ya klabu Jangwani, sababu za kuitisha kikao hiki ni kuzungumzia mambo ya msingi hasa wakati ligi inaelekea ukingoni, pia kupeana elimu kuhusu uchaguzi utakaofanyika," amesema
Kampira amesema Wanayanga hawapaswi kufanya makosa kwenye uchaguzi huo, ni muhimu kuelimishana ili kuhakikisha wanachama wanachagua viongozi ambao wataweza kuitoa Yanga hapa ilipo
"Tumeteseka sana lakini sasa tutapeana mkakati kuhusu viongozi tutakaowachagua kwa sababu tukikosea kwenye uchaguzi huu tutakuwa tumeiweka klabu katika mazingira magumu"
