Fundi Kamusoko amerejea

Kiungo fundi wa Yanga, muasisi wa 'kampa-kampatena' Thabani Kamusoko jana alifunga moja ya mabao bora msimu huu kupitia mpira wa adhabu alioupiga nje kidogo ya 18

Bao hilo alilofunga kwenye dakika ya 72, liliihakikishia Yanga kuibuka na ushindi wa mabao 3-2 dhidi ya Kagera Sugar

Baada ya kuuguza majeraha kwa muda mrefu, hatimaye Kamusoko amepona kabisa na sasa ameanza kuonyesha ubora alioukuwa nao misimu miwili iliyopita

Tangu arejee dimbani, Kamusoko amekuwa na mchango mkubwa katika kikosi cha Yanga na pengine huenda akamshawishi kocha Mwinyi Zahera kuongeza mkataba wake

Kamusoko ni miongoni mwa wachezaji ambao mikataba yao inamalizika mwishoni mwa msimu lakini hakuna shaka, huenda akaendelea kubaki Yanga